မြန်မာ့သတင်း

ဘရာဇီး အကျဉ်းထောင် တစ်ခုတွင် ဓားများဖြင့် တိုက်ခိုက်မှုဖြစ်ပွား၊ လူ ၃၁ ဦးသေဆုံး

ဘရာဇီးနိုင်ငံ အကျဉ်းထောင် တစ်ခုတွင် အကျဉ်းသားအဖွဲ့တစ်ဖွဲ့က အခြားအဖွဲ့ကို ဓားကဲ့သို့သော လက်နက်များဖြင့် တိုက်ခိုက်ခဲ့ရာ လူ ၃၁ ဦးသေဆုံးခဲ့ရသည်ဟု အာဏာပိုင်များက ဇန်နဝါရီ ၇ ရက်တွင် ပြော သည်။ ထောင်တွင်းလူအစုလိုက် အပြုံလိုက်သတ်ဖြတ်မှုသည် ဘရာဇီးတွင် သီတင်းပတ်တစ်ပတ်အတွင်း ဒုတိယအကြိမ်မြောက် ဖြစ်ပွားခြင်း ဖြစ်သည်။

သေဆုံးသူအများစုသည် ခေါင်း ပြတ်၊ ခြေပြတ်၊ လက်ပြတ်များဖြစ်ခဲ့ရသည်။ ဇန်နဝါရီ ၆ ရက် နံနက် စောစောအချိန်တွင် ဖြစ်ပွားခဲ့ခြင်း ဖြစ်ပြီး တိုက်ခိုက်မှုသည်တစ်နာရီခန့်ပင် ကြာမြင့်ခဲ့သည်ဟုအာဏာပိုင်များ က ပြောသည်။ ဘရာဇီးနိုင်ငံ၏အကြီးဆုံး မူးယစ်ဆေးဝါးဂိုဏ်းနှစ်ခုဖြစ်သော PCC နှင့် CV တို့သည် ဇူလိုင်လထဲ တွင် အပစ်အခတ်ရပ်စဲရေးကျိုးပျက်ခဲ့သည်။ ထိုအချိန်မှစ၍အကျဉ်း ထောင်ထဲရှိ အဆိုပါဂိုဏ်းသားများ သည် အပြန်အလှန်တိုက်ခိုက်သတ် ဖြတ်မှုများ ပြုလုပ်ခဲ့ကြသည်။

ယခုနောက်ဆုံးဖြစ်ပွားခဲ့သော ထောင်တွင်း အစုလိုက်အပြုံလိုက် သတ်ဖြတ်မှုနှစ်ခုသည် နိုင်ငံမြောက် ပိုင်းတွင်ဖြစ်ပွားခဲ့သည်။ ထိုဒေသသည် ကိုကင်းထွက်ရှိရာဘိုလစ်ဗီးယား၊ ကိုလံဘီယာ၊ ပီရူးနိုင်ငံတို့နှင့် နယ်နိ မိတ်ချင်း ထိစပ်နေသည့် မူးယစ်ဆေးဝါးဂိုဏ်းများ အာဏာကြီးစိုးရာဒေသဖြစ်သည်။ ဘရာဇီးနိုင်ငံတစ်ခုလုံးတွင် အကျဉ်းသားခြောက်သိန်းကျော်ရှိပြီး ထောင်များ၏စုစုပေါင်းဝင်ဆံ့ဦးရေကို ၅ဝ ရာခိုင်နှုန်းတိုးချဲ့ရန် လိုအပ် နေသည်ဟု တရားရေးဝန်ကြီးဌာန၏ ၂ဝ၁၄ ခုနှစ် အစီရင်ခံစာတစ်ခုကဆိုသည်။ ဘရာဇီးနိုင်ငံ၏ ပြည်နယ် ၂၆ ခုတွင် အနည်းဆုံးထောင်တစ်ခုစီ အသစ်တည်ဆောက်ရန်အတွက် ဒေါ်လာသန်း ၂၅ဝ သုံးစွဲ မည်ဟု သမ္မတ တီမာက ပြောခဲ့သည်။

Ref : AFP
#democracytoday

Add comment

Like Us!

Your Header Sidebar area is currently empty. Hurry up and add some widgets.